ACEH LONG SAYANG INDAH LAGOINA

Pajan keuh keuh jaya aceh mutuah hasee meulimpah di bumoe gata,cukop that sayang wahee mutuah hana yang papah di bumoe gata,dak na pemimpin laloe that leupah trimoeng perintah bak jawakarta,padahai aceh nanggroe keunebah,indatue megah tanoh aulia,dengan gelaran serambi mekkah cukop that meugah u nanggroe lua,tapi that sayang jinoe mutuah,dengan rupiah karue saudara,hana lee ingat janji ngon sumpah peuwoe maruah aceh mulia,beu martabat nanggroe mutuah tacok beu leupah bak indonesia,tapi jinoe rakan mutuah dengan rupiah gata ka lupa,hana teu ingat tanyoe di jajah dum na roe darah bangsa mulia,demi geutheun nanggroe maruah jinoe that leupah gata kuasa hana ta ingat keu syuhada mutuah yang kaleupah geu tinggai donya,ingat rakan mutuah supaya bagah seleusoe masaalah yang kaleupah si ploh thon yang ka,perkara bendera pih hana jeulah sapue tan keumah hai dpra,bak peugah kaleh kapeusah tapi ka peu ek hana segera,kupue lom kaiem sinan mutuah trep that langkah meu sia-sia,kacok tindakan lajue beu bagah ngon ta peu merah bendera man saboh nanggroe.